வெள்ளாடு வளர்ப்பு பயிற்சி.

வெள்ளாடு வளர்ப்பு பயிற்சி.

சரவணம்பட்டி, கால்நடை பல்கலை பயிற்சி மையத்தில், வரும் 3 மற்றும் 
4 ம் தெதிகளில், வெள்ளாடு வளர்ப்பு சார்ந்த, இரு நாள் பயிற்சி முகாம் நடக்கிறது.

காலை 10.00 மணிக்கு பயிற்சி துவங்குகிறது. இதில் கொட்டில் முறை வளர்ப்பு, தீவன மேலாண்மை, சந்தைப்படுத்துதல் சார்ந்த, பல்வேறு கருத்துகள் இடம் பெறும், எளிய மொழி நடைமுறையில் விவசாயிகளுக்கு புரியும் விதத்தில், டிஜிட்டல் முறையிலான வகுப்புகளும் உள்ளன. இதில் பங்கேற்க, முன்பதிவு செய்வது அவசியம். விபரங்களைக்கு, 0422 266 9965 என்ற எண்ணில் தொடர்பு கொள்ளலாம் என, அதிகாரிகள் தெரிவித்தனர்.

 நன்றி தினமலர் நாள் 2-5-2016

(தொடரும்)

இறைச்சி, முட்டை ரக கோழிகள் அறிமுகம்.

இறைச்சி, முட்டை ரக கோழிகள் அறிமுகம்.

கால்நடை பல்கலை பயிற்சி மையம் சார்பில், கோழிவிதைத் திட்டத்தின் கீழ், தரம் உயர்த்தப்பட்ட, இறைச்சி, முட்டை ரக கோழிகள் அறிமுகப்படுத்தப்பட்டுள்ளன. இது, நாட்டு கோழிகளை காட்டிலும், அதிக உற்பத்தியை தருவதால், விவசாயிகள் போட்டி போட்டுக் கொண்டு, பதிவு செய்வதாக, அதிகாரிகள் தெரிவித்தனர்.

கோழி வளர்ப்பு, அதிக லாபம் தரக்கூடிய சுய தொழிலாகும். பிராய்லர், நாட்டுக்கோழி முட்டை, இறைச்சிக்கு, சந்தையில் நல்ல வரவேற்பு உண்டு. இதை கருத்தில் கொண்டு, கோழிவிதை திட்டத்தின் கீழ், உற்பத்தியை அதிகப்படுத்த, தரம் உயர்த்தப்பட்ட கோழிகளை அறிமுகம் செய்யும், ஆய்வுகள் நடந்தன.

இதன்படி, முட்டை, இறைச்சி ரகத்திற்கென பிரத்யேகமாக 'கிராம பிரியா', 'வனராசா' கோழியினங்கள், அறிமுகப்படுத்தப்பட்டுள்ளன. இந்த இறைச்சி ரக வனராசா கோழி, இரு மாத த்திலேயே, 1.15 கிலோ எடையை பெறும். இதேபோல், கிராமபிரியா கோழிக்கு, அடைகாக்கும் தன்மை இல்லை. இது, அரு ஆண்டில், சராசரியாக 160  முட்டைகள் வரை, உற்பத்தி செய்யும் திறன் கொண்து என, ஆய்வில் நிரூபிக்கப்பட்டுள்ளது. கால்நடை பலகலை இணை பேராசிரியர் சிவக்குமார் கூறுகையில், 'தரம் உயர்த்தப்பட்ட வனராசா, கிராமபிரியா கோழி இனங்கள், புறக்கடை வளர்ப்புக்கு ஏற்ற ரகம் என்பதால், விவசாயிகள் மத்தியில் அதிக வரவேற்பு உள்ளது. இதை சோதனைக்கு உட்படுத்தியதில், நோய் எதிர்ப்பு சக்தி, உற்பத்தி, வாழ்நாள் தன்மை, மற்றினங்களை காட்டிலும் கூடுதலாக இருப்பது தெரிய வந்துள்ளது. இதுவரை, 3400 கோழி குஞ்சுகள் விற்பனையாகியுள்ளன. புதிய ரக கோழி வேண்டி, 405 பேர் பதிவு செய்துள்ளனர். இதுசார்ந்த, கூடுதல் தகவலுக்கு, சரவணம்பட்டியில் உள்ள கால்நடை பல்கலை பயிற்சி மையத்தை நேரிலோ அல்லது, 0422 266 9965 என்ற எண்ணிலோ தொடர்பு கொள்ளலாம்,'என்றார்.

நன்றி தினமலர்- நாள் 29-4-2016.

(தொடரும்)

மூலிகை சாகுபடியில் மானியம்.

செங்காந்தள் மலர் (மூலிகை)

மூலிகை சாகுபடியில் மானியம்.

இந்தியாவில் மூலிகையின் தேவை அதிகரிக்கும் அளவு மூலிகை உற்பத்தியானது இல்லை. 90%  மேல் கம்பெனிகளின் தேவையானது இயற்கையாக காணப்படும் மூலிகைகளை சேகரித்து அனுப்புவதன் மூலம் நிவர்த்தி செய்யப்படுகிறது. எனவே மூலிகை பயிரிடுதல் மிகவும் குறைவாகவே காணப்படுகிறது. ஆகையால் மூலிகைப்  பாதுகாப்பு மற்றும் அதன் தேவைகளைக் கருத்தில் கொண்டு தேசிய மூலிகை பயிர் வாரியமானது 57 தாவரங்களைப் பயிரிடுவதற்கு மானியம் வழங்கி ஊக்குவிக்கிறது.

இவ்வாரியமனது அழிந்து வரும் அரிதான மூலிகைகளை பயிரிடுவதற்கு 75% ம், உற்பத்தி குறைந்து வரும் தீண்ட காலப்பயிர்களைக்கு 50% மும் மற்ற மூலிகைகளைக்கு 20%  மும் மானியம் வழங்குகிறது. மானியத்தை தனி விவசாயியாக அல்லாமல்  குழுவாக செயல்பட்டால் பெறுதல் எளிதாகும்.

தமிழ் நாட்டின் தட்பவெப்ப நிலையில் நன்கு வளரும் மூலிகைகள் மற்றும் அதனை ஒரு எக்டேரில் சாகுபதி செய்ய மூலிகை பயிர் வாரியத்தால் பரித்றைக்கப்பட்டுள்ள மானியத்தைக் காண்போம்.

வசம்பு- 20%, சோற்றுக்கற்றாழை-20%, பேர ரத்தை - 20%, சித்தரத்தை - 20%, தண்ணீர்விட்டான் கிழங்கு - 20%, வேம்பு - 20%, நீர்பிரம்மி -20%,  சாரணத்தி - 20%, சென்னா (அ) அவரி - 20%,  நித்திய கல்யாணி - 20%,  வல்லாரை - 20%,  சங்குபுஷ்பம் -20%,  மாகாளி - 20%,  வாவிலங்கம்- 20%,  நெல்லி -20%, சிறுகுறிஞ்சான் -20%,  நன்னாரி -20%, கச்சோலம் - 20%, பூனைக்காலி -20%,  துளசி - 20%,  கிழாநெல்லி - 20%,  திப்பிலி -20%,  செங்கொடிவேலி -20%, குறுந்தொட்டி - 20%,  மணத்தக்காளி - 20%,  சீனித்துளசி -20%,  நீர்மருது -20%,  தான்றி - 20%,  கடுக்காய் - 20%, சீந்தில் -20%,  நொச்சி - 20%,  வெட்டிவேர் - 20%,  அமுக்கிரா -20%,  வில்வம் - 50%,  வாகை -50%, மாவிலங்கம் - 50%,  கண்வலிக்கிழங்கு - 50%,  பாலா - 50%,  கொடிவேலி -50%,  வேங்கை - 50%,  நஞ்சறுப்பான் -50%,  சந்தன வேங்கை - 75%,  சந்தனம் - 75%,

குறிப்பு; விவசாயிகள் மேற்கண்ட மூலிகைகளை பயிரிடுவதற்கு தேர்ந்தெடுக்கும் போது கவனத்தில் கொள்ள வேண்டியவை.

1. சந்தைப்படுத்த வாய்ப்புள்ள மூலிகைகளை மட்டுமே தேர்வு செய்ய வேண்டும். மானியத்தைக் கருத்தில் கொண்டு சாகுபடி செய்யக்கூடாது. சிறந்த மூலிகைக் கம்பனிகளுடன் ஒப்பந்த சாகுபடியை மேற்கொள்வது நல்லது.

2. இடவசதி மற்றும் நீர் வசதியைக் கவனத்தில் கொள்ள வேண்டும்.

3. தரமான விதைகளைத் தேர்வு செய்வது மிகவும் முக்கியம்.

4. சாகுபடிமுறை, அறுவடை முறை, பதப்படுத்தும் முறை  மற்றும் செலவினங்களை மூலிகைகளை தேர்வு செய்யும் முன் அறிந்து கொள்வது அவசியமாகும்.

மானியம் பற்றிய விபரங்களை அருகில் உள்ள தோட்டக்கலை அலுவலகத்தைத் தொடர்பு கொண்டு அறிந்து கொள்ளலாம்.

ந. கணபதிசாமி,
மதுரை,
88700 12396.

நன்றி-தினமலர் விவசாயமலர் நாள் 20-01-2016.

---------------------------------------------------------------------(தொடரும்)